|
|
2010-09-09
- НэщIикIыж хьид махуэшхуэм ирихьэлIэу
- Къэбэрдей-Балъкъэр Республикэм и
- Президент Къанокъуэ Арсен цIыхухэм
- зэрызахуигъазэр
- Къэбэрдей-Балъкъэрым и муслъымэнхэу НэщI мазэ лъапIэр езыхьэкIахэм НэщIикIыж хьид махуэшхуэмкIэ си гуапэу сохъуэхъу. Ар псапэмрэ гущIэгъумрэ я гуфIэгъуэщ. БлэкIа мазэ псом муслъымэнхэр къабзагъэрэ пэжыгъэрэ ягу илъу дин къабзэм тетащ. Нобэрей махуэм ди хэкуэгъухэм я тхьэлъэIур, мурад къабзэхэмрэ гугъапIэхэмрэ къайрырехъулIэ.
- Нобэ къэралми динми я мурадыр зыщ – ди гъащIэр нэхъыфI, нэхъ къабзэ, нэхъ гущIэгъулы щIынырщ. Шэч къытесхьэркъым республикэм и къэрал властым и органхэмрэ дин зэгухьэныгъэхэмрэ тэмэму зэдэлэжьэныр мыхьэнэшхуэ зиIэ а мурадыр зэгъэхъулIэнымкIэ лъабжьэ быдэу зэрыувынум. Ди зэдэлэжьэныгъэр дяпэкIи хуэунэтIауэ щытынущ мамырыгъэр, жылагъуэ зэгурыIуэныгъэр, цIыхубэм я зэкъуэтыныгъэр гъэбыдэным.
- Муслъымэнхэм, Къэбэрдей-Балъкъэрым ис псоми сохъуэхъу узыншагъэ быдэ, мамырыгъэ, ефIэкIуэныгъэ яIэну.
-
-
-
- Гъэгъуныгъэмрэ ГущIэгъумрэ зыхэлъ Алыхьым и цIэкIэ!
- Дунейхэм я тепщэ Алыхь ЛъапIэм фIыщIэ худощI, фIыгъуэрэ мамырыгъэрэ Мухьэмэд бегъымбарым Тхьэм кърит, Алыхьым и нэфIыр къыщыхуэ абыи, и унагъуэми, ягурэ я псэрэ къабзэу и лъэужьым ирикIуа псоми!
-
- ПщIэ зыхуэтщI, динкIэ ди къуэшхэ, ди шыпхъухэ!
- Ди Iыхьлыхэм дэIэпыкъуэгъу дащыхуэхъу, Алыхьым къитхуигъэфэщамкIэ дащыдэгуашэ, КъурIэн лъапIэм еджэным, Алыхьым хуэлIыщIэным, лъагъуныгъэм хухаха мазэ лъапIэр иухащ. Рэмэдан мазэм псымрэ ерыс-къымрэ махуэм пэIэщIэ зэрызытщIам и мызакъуэу, жэщхэр нэмэз тщIыуэ етхьэкIащ. НэщI мазэ лъапIэм гу къабзэкIэ бгъэдэтахэм ахърэтым и фIыпIэр къалъысынущ, мы дунейми я IуэхуфIхэм дэIэпыкъуэгъу щагъуэтынущ, илъэс блэкIам къриубыдэу ялэжьа гуэныхьхэр ятекIыжынущ.
- Мухьэмэд бегъымбарым, Алыхьым и нэфIыр зыщыхуэным, мамырыгъэ зритыным, жиIащ: «Рэмэдан мазэм фIэщхъуныгъэрэ гугъэрэ хэлъу нэщIам къыхуэ-гъунущ нэхъапэкIэ илэжьа гуэныхьхэр».
- ГуIэгъуэщ Алыхьым и гущIэгъур къэзымыгъэсэбэпахэм я Iуэхур, гуIэгъуэщ Мазэ лъапIэм и фIыгъуэм хэкIыжахэм я Iуэхур. ГуIэгъуэщ жэщхэр фадэ ефэрэ къемызэгъ Iуэхугъуэхэр ялэжьу езыхьэкIахэм, махуэр бзэгу зехьэным, псалъэмакъым хэту, пщэфIэнымкIэ зэпеуэу зыгъэкIуахэм я Iуэхур.
- Ахэр ДжэбрэIил мелыIычым, мамырыгъэ зыхуэкIуэным, Мухьэмэд бегъымбарым, Алыхьым и нэфIыр зы-щыхуэным, мамырыгъэр зыхуэкIуэным хуиIуэтам къыхэщым хуэдэщ: «Рэмэдан мазэм ирихьэлIауэ, ауэ абы гъэгъуныгъэ щызымыгъуэтар жыхьэнмэ мафIэм хыхьэнущ икIи Алыхьым ар пэIэщIэ ищIынущ и гущIэгъум. «Iэмин жыIэ» жриIати, Бегъымбарым, Алыхьым и нэфIыр зыщыхуэным, мамырыгъэр зыхуигъэкIуэным, «Iэмин» жиIащ».
- Сэ Алыхьым солъэIу жыхьэнмэм и мафIэм дыщихъумэну. Сэ Алыхь Лъагэм солъэIу Абы и лIыщIэу щыуахэр гъуэгу пэжым тригъэувэжыну.
- Рэмэданыр Алыхьым и гъэгъуныгъэр къыплъысауэ къызэбнэкIыныр икъукIэ фIыгъуэшхуэщ. А фIыгъуэм зыхэвмыгъэкIыж, ар гукъеуэ зыщывмыщI, Рэмэдан мазэ нэужьым фахэмыхьэж Алыхьым и жыIэм щIэкIахэм.
- Уа, Алыхьым мафIэм пэIэщIэ ищIа, хуитыныгъэ къыплъыса нэужь сакъ, гуэныхьхэм я лъэхъум уимыубыдыжын хуэдэу! Уи Тхьэм мафIэм пэIэщIэ уищIу уэ абы ерыщу ухуэкIуэу ара?! Уэ абы укърегъэл, итIани, мафIэм зыхэбдзэну ухэту ара?! Дауи, гущIэгъур зыхуэфащэр фIы зылэжьхэрщ, ауэ гуэныхь зылэжьами гугъэр хихыжын хуейкъым, гъэгъуныгъэр зыхуэфащэр Алыхьым фIэлъыкIхэрами, Iей зылэжьри абыкIэ гугъэ хъунущ…
- КIэухыу, хуит сыкъэфщI Хьид махуэшхуэмкIэ сынывэ-хъуэхъуну. Мамырыгъэ, насып, фIэщхъуныгъэ зэтетрэ быдэрэ фиIэну си гуапэщ. Алыхь Лъагэм солъэIу фи нэщIри, нэмэзхэри, влэжьа псапэхэри къабыл ищIыну, фэрэ фи Iыхьлыхэмрэ, фIэщхъуныгъэ быдэ зиIэхэмрэ шыIэныгъэ зыхэлъхэмрэ Абы къызэригъэгугъа жэнэтымкIэ къыфхуэупсэну. Алыхьым солъэIу ди гуэныхьхэр къытхуигъэгъуну, ди фIэщхъуныгъэр нэхъ быдэ ищIыну, къыкIэлъыкIуэ Рэмэдан мазэ лъапIэм муслъымэн пэжу дынигъэсыну, Тхьэм и нэфIыр зыщыхуа ди республикэм мамырыгъэр щихъумэну.
- Фэри фи Iыхьлыхэми Алыхь Лъагэу ЛъапIэр мамырыгъэкIэ, гущIэгъукIэ къыфхуэупсэну!
-
- КъБР-м ис муслъымэнхэм я дин IуэхущIапIэм и унафэщI, муфтий ПщыхьэщIэ Iэнас.
2010-09-09
КъБР-м и Президент Къанокъуэ Арсен иужь зэманым нэрылъагъуу иригъэфIэкIуащ «ЦIыхубэ хъыбар- егъащIэ IуэхущIапIэхэм политикхэр къазэрыщыхъур», «Медиалогия» рейтингхэмкIэ иIыгъ увыпIэр.
«ХъыбарыщIэхэм я зэман» агентствэмрэ «Медиалогия» компаниемрэ зэщIыгъуу къызэрагъэпэща «ЦIыхубэ хъыбарегъащIэ IуэхущIапIэхэм политикхэр къазэрыщыхъур» проектыр зытеу-хуар федеральнэ прессэмрэ телевиденэм и центральнэ каналхэмрэ нэхъ жыджэру зытепсэлъыхь политикэ лэжьакIуэхэм я рейтингыр къэлъытэнырщ. Ар тращIыхь зы мазэм къриубыдэу политикым и цIэр къызэрыраIуа бжыгъэми абы прессэр зэрыхущыт щIыкIэми. А проектым ипкъ иткIэ Къэбэрдей-Балъкъэр Республикэм и Президент Къанокъуэ Арсен шыщхьэIу мазэм къриубыдэу увыпIи 10-кIэ дэкIуэтеящ икIи абы хъыбарегъащIэ IуэхущIапIэхэр зэрыхущытымкIэ ещанэ увыпIэр, епщIанэ увыпIэр абы и цIэр къызэрыраIуэ бжыгъэмкIэ иубыдащ.
«Медиалогия» проектми КъБР-м и Iэтащхьэр увыпIитхукIэ щыдэкIуеящ икIи абы цIыхубэ хъыбарегъащIэ IуэхущIапIэхэр зэрыхущытымкIэ еплIанэ увыпIэр иIыгъщ. УФ-м и щIыналъэхэм я Iэтащхьэхэм я цIэхэр къызэрыраIуэ бжыгъэм и лъэныкъуэкIэ КъБР-м и Президентыр епщыкIутхуанэщ.
- Толасовэ Екатеринэ, КъБР-м и Президентымрэ Правительствэмрэ я пресс-IуэхущIапIэ.
2010-09-09
- Тхьэзэплъыж М. ТI. «Къэбэрдей-Балъкъэр Республикэм щIыхь зиIэ и экономист» цIэ лъапIэр фIэщыным и IуэхукIэ
- Къэбэрдей-Балъкъэр Республикэм и Президентым и
- Указ
- И IэщIагъэм зэрыхуэIэзэм, республикэм и къэрал властым и органхэм илъэс куэд лъандэрэ хьэлэлу зэрыщылажьэм икIи Къэбэрдей-Балъкъэр Республикэм и экономикэм зегъэужьыным къаруушхуэ зэрырихьэлIам папщIэ «Къэбэрдей-Балъкъэр Республикэм щIыхь зиIэ и экономист» цIэ лъапIэр фIэщын Тхьэзэплъыж Мурат ТIулэ и къуэм – Къэбэрдей-Балъкъэр Республикэм и Правительствэм и УнафэщIым и япэ къуэдзэм.
-
- Къэбэрдей-Балъкъэр Республикэм и
- Президент Къанокъуэ Арсен
- Налшык къалэ
- 2010 гъэм фокIадэм и 2-м
- №93-УП
2010-09-09
- КъБР-м и Президент Къанокъуэ А. Б. деж
-
- ПщIэ зыхуэтщI Арсен Башир и къуэ!
- КъБР-м и Адыгэ жылагъуэ зэгухьэныгъэхэм я зэзыгъэуIу советыр къохъуэхъу республикэм и Президентым и къулыкъум етIуанэ пIалъэкIэ узэрыхахыжамкIэ.
- Дэ бдыдоIыгъ экономикэр къэIэтыжыным, жылагъуэ-экономикэ гъащIэр зэтегъэувэжыным, лъэпкъхэм я зэхущытыкIэхэр зэпIэзэрыт щIыжыным хуэунэтIауэ Уэ ебгъэкIуэкI политикэр.
- Ди фIэщ мэхъу Уэ урипашэу ди республикэр Урысей Федерацэм и субъект нэхъ зызыужьа дыдэхэм зэрахыхьэнур. Узыншагъэ быдэ, ефIэкIуэныгъэ уиIэну дынохъуэхъу.
- Къалмыкъ Жылэбий.
-
-
-
- КъБР-м и Президент
- Къанокъуэ Арсен Башир и къуэм деж
-
- ПщIэ зыхуэтщI Къанокъуэ Арсен! Дэ икъукIэ дыщыгуфIыкIащ икIи арэзы дытехъуащ Уэ Къэбэрдей-Балъкъэр Республикэм и Президенту етIуанэ пIалъэкIэ улэжьэну узэрыхахыжам теухуа хъыбарым.
- Уэ уи унафэм щIэту КъБР-м къихьа ехъулIэныгъэхэм адыгэ диаспорэм, нэгъуэщI къэралхэм щыпсэу ди лъэпкъэгъу псоми пщIэшхуэ хуащIащ.
- Дэ дигукIи ди псэкIи дынохъуэхъу, узыншагъэ быдэ уиIэну, Къэбэрдей-Балъкъэрым и цIыхубэм я фIыгъуэм хуэгъэзауэ ебгъэкIуэкI лэжьыгъэм ехъулIэныгъэщIэхэр къыщыпхьыну ди гуапэщ.
-
- Къандурхэ Мухьэдинрэ Любэрэ.
- Виндзор, Великобритание.
2010-09-09
КъБР-м и Президентым 2009 гъэм мэлыжьыхьым и 10-м къыдигъэкIа Указым ипкъ иткIэ, КъБР-м Экономикэ зыужьыныгъэмрэ сатумкIэ и министерствэм къипщытащ 2009 гъэм республикэм и къалэ округхэмрэ муниципальнэ районхэмрэ я щIыпIэ самоуправленэм и органхэм я лэжьыгъэм сэбэпынагъыу кърикIуар.
Псоми еджэн…
2010-09-09
- ФокIадэм и 9, махуэку
-
- Дахагъэм и дунейпсо ма-хуэщ.
- Таджикистан Республикэм и къэрал гуфIэгъуэщ, 1991 гъэм къэрал щхьэхуит хъуащ.
- КНДР-р къыщыунэхуа ма-хуэщ (1948 гъэм).
- 1970 гъэм Волжскэ автозаводым «ВАЗ-2101» (Жигули) автомашинэхэр къыщIигъэкIыу щIидзащ.
-
- ФокIадэм и 10, мэрем
-
- ЦIыхухэм зыщаукIыж къэмыгъэхъуным и дунейпсо махуэщ
- Китайм егъэджакIуэм и махуэр щагъэлъапIэ (зыгъэпсэхугъуэ гуфIэгъуэ махуэу ягъэуващ).
- ФокIадэм и 10 – 12-хэм Калининград къалэм и махуэр ягъэлъэпIэнущ. Ар яухуащ 1255 гъэм.
- 1725 гъэм ягъэуващ Невский Александр и орденыр.
2010-09-09
 Абрэдж Iэдэм псы къыщIэшыпIэщIэм и тхылъхэр Иуаз ФотIимэ ирет. «2012 гъэ пщIондэ къуажэхэм социальнэу зэрызаужьынур» федеральнэ программэ хэхам зэрыщыубзыхуам тету, нэгъабэ и щэкIуэгъуэ мазэ лъандэрэ Аргудан жылагъуэм псы Iуэхум сом мелуани 7-м щIигъу и уасэ лэжьыгъэ щращIэкIащ.
ЩIыпIэ администрацэм и Iэтащхьэ Иуаз ФатIимэ къызэрыджиIамкIэ, Абрэдж Iэдэм зи унафэщI «Налшык и псы бжьамийхэр» ООО-м и IэщIагъэлIхэм къыщIэшыпIэщIэ яухуэри, Iэрэмысэм, Бжьэдыгъум, Мэремкъул зэкъуэшхэм я цIэхэр зэзыхьэ уэрамхэм псы кIуапIэ бжьамийхэр километри 5-рэ метр 400-м щаукъуэдиящ.
– Ди жылэр игъащIэми псыр къызэмэщIэкI щIыпIэщ. Абы къыхэкIыу унагъуэ псори тэмэму зэщIэдмыгъэхьэфурэ нобэм дыкъэсащ. КъищынэмыщIауэ, къыщIэшыпIэхэмрэ пасэу далъхьа бжьамийхэмрэ я пIалъэр йокI. Ари къэдмылъытэу щыт-къым. ИтIанэ, хьэблэщIэхэми къахохъуэ. Къуажэм дяпэкIи зэрызиужьынум и планым а Iуэхур нэхъыщхьэу хэдгъэхьащи, абы тету уэрам къэс псы гуэшыпIэхэр щыдгъэувынущ, щыIэхэр щедгъэфIэкIуэнущ, – жеIэ администрацэм и Iэтащхьэм. – «Налшык и псы бжьамийхэр» ООО-м щыщ щIалэхэм гугъу зрагъэхьащ. Я лэжьыгъэр гугъэзагъэу зэфIагъэкIри, нэхъ гугъу ехьу щыта уэрам зыбжанэм щыпсэухэр ягъэтыншыжащ, адрей къытхуэнахэми мыгувэу псыр еттынущ. Аргуданыр къуажэу зэрытIысрэ илъэс 340-рэ зэрырикъур щыдгъэлъэпIэнум ирихьэлIэу, ар ди цIыхухэм я дежкIэ тыгъэфIщ.
Нобэ къыщIэшыпIэ 12 зэпымыууэ ягъэлажьэ. КъБР-м и Президентым и пщэрылъым тету иджыри зы яухуэнущи, ар зэфIэкIмэ, зэрыжылэу псыкIэ зэлъэIэсынущ. КъищынэмыщIауэ, етIанэгъэ я къыщIэшыпIэ псоми электрокъарур зэзыгъэзахуэ Iэмэпсымэхэр трагъэувэнущ.
2010-09-09
Налшык щызэхуэсащ тхакIуэ ныбжьыщIэхэр. ЗэIущIэр ирагъэкIуэкI ШэджыхьэщIэ Хьэмыщэрэ (ижьымкIэ япэщ) Къагъырмэс Борисрэ (ещанэщ), нэхъыжьхэм къабгъэдэсхэщ Бэлагъы Любэ, Зэгъэщтокъуэ Людэ, Къарэмырзэ Юрэ, Къармэ Iэуес сымэ. Сурэтыр 1986 гъэм щэкIуэгъуэм и 22-м трахащ.
2010-09-09
Ди къэралым и щIыналъэ зэмылIэужьыгъуэхэм щыпсэу урысхэу Кудаев унэцIэр зезыхьэхэм ятеухуа хъыбархэр дэ зэман-зэманкIэрэ къытIэрыхьэрт. Мы тхыгъэр зи Iэдакъэм къыщIэкIари зэгуэр щыхьэщIауэ щытащ Ростов областым щыщ Кудаевхэ я унагъуэм, арщхьэкIэ ди зэпыщIэныгъэхэм пытщакъым.
Псоми еджэн…
2010-09-09
И дэлъхур гъэрыпIэм къришыжын папщIэ дэIэпыкъуну Улан-Удэ щыпсэу Ипангицевэ Ларисэ ЦIыхум и хуитыныгъэхэр хъумэнымкIэ уполномоченнэу Шэшэн Республикэм щыIэм елъэIуащ.
Псоми еджэн…
|